Бүлекләр

Санагыч

Реклама

Котлау

Картайдык дип әйтмик әле,
Яшь чактагы хис җанда.
Язмыш читтә яшәтсә дә,
Уйлар гел синең янда.

ТОрды микән, ашадымы,
Ни кием кидә өскә?
Аптыраган кыяфәттә
Керәсең кайчак төшкә.

Андый чакта, бит юганчы,
Телефон алам кулга.
Юк сәбәпләрне бар итеп
Кузгалам ерак юлга.

Ерак булса да якын ул,
Булгач сагыныпкөтүең.
Утыз өч ел кулны-кулга,
Бәйләп гомер итүчең.

Шулай язмыш гомер буе
Сыный безнең хисләрне.
Уй-гамәлләр бәйләнсә дә,
Ялгыз итә кичләрне.

Авырлыкка бирешмибез,
Чөнки хисләр сыналган.
Балачактан чыбыркылап
Дөнья белән кыйналган.
Вакыты
21.12.2012 19:21
Тавыш бирелгән
2 тапкыр
Укылган
384 тапкыр
Автор
Фирдәүсә Кәримова
Кайсы бүлектә
Туган көн
Төрлесе
Котлау

Фикерләр: 1
рафаэль язды - 28.12.2012 15:17

яхшы

Исем:*

Фикер:*

Бу авторның өстәмә язмалары