Бүлекләр

Санагыч

Реклама

Котлау

Җир җиләге пешкән чак бу,
Гөлләр чәчәк аткан чак.
Шушы мәлдә син тугансың,
Теләк телик бер кочак.

Гел шат булып йөрсен диеп,
Куйганнардыр исемеңне.
Тыйнаклык сыйфаты бизи
Синең затлы җисемеңне.

Замананың күп хатын-кызы
Онытты бу сыйфатны.
Тыйнак, сабыр булса гына
Матур хатын-кыз заты.

Синдә, дускай, бу сыйфатлар
Икесе дә җитәрлек.
Тыныч яши беләсең син,
Соклангыч, ис китәрлек.

Эчләреңдә ут булса да,
Чыгармыйсың ялкынын.
Йөзләреңдә җәй җылысы,
Күренми кыш салкыны.

Шатлыгын да, кайгысын да
Кичерәсең үз итеп.
Гайбәттән син һәрчак ерак,
Яшәмисең сүз йөртеп.

Әниең күк кайнанаңа,
Җитәрлек тәмле сүзең.
Йомшак булса да халәтең,
Ирләр кебек син түзем.

Бүген дә син әле һаман
Балалар дип яшисең.
Эштә хөрмәтле хезмәткәрләр,
"Менә" дигән кеше син.

Инде синең туган көнең -
50 яшьлек тантана.
Бәйрәмеңдә синең белән
Дус-ишләрең шатлана.

Барыбыз да чын йөрәктән
Бәхет, шатлык телибез.
Һаман шулай яшь көенчә,
Елмаеп яшә дибез.
Вакыты
25.03.2013 21:13
Тавыш бирелгән
5 тапкыр
Укылган
455 тапкыр
Автор
Фирдәүсә Кәримова
Кайсы бүлектә
Туган көн
Төрлесе
Котлау

Әлегә бу котлау өчен фикер юк сез беренче булып калдыра аласыз
Исем:*

Фикер:*

Бу авторның өстәмә язмалары