Бүлекләр

Санагыч

Реклама

Шигырь

Электричка, әле ярый син бар -
Авылыма кайтам һәр атна.
Каты урындыклы, шапшак тәрәзәле
Вагоннарга шыплап тулсак та.

Мин еш кына синдә дуслар таптым,
Аз булса да гиздем дөньяны.
Тәрәзләрең минем өчен якты,
Урыннарың йомшак, уңайлы.

Басып кайткан чаклар була иде,
"Куяның" да булдым кайчакта.
Туңдырмасын ашап, кроссворд чишеп
Кайткаладык акча бар чакта.

Биш ел буе шигырь язмаганмын
Сиңа атап, үпкәң булмасын!
Студент чакны тагын берәр елга
Озайтасым килә, сузасым.

Электричка, әле ярый син бар!
Әле генә белдем кадерең!
Яшермимен, синдә үтте матур
Мизгелләре студент гомеремнең!!!
Вакыты
15.05.2013 20:13
Тавыш бирелгән
2 тапкыр
Укылган
367 тапкыр
Автор
Раил Гатауллин
Кайсы бүлектә
Шаярулар
Төрлесе
Шигырь
Электричка

Бу авторның өстәмә язмалары