Бүлекләр

Санагыч

Реклама

Шигырь

Горурланыр әти-әнием бар
Туган телен миңа өйрәткән.
Укытучым бар шигырьләрне яттан
Туган телдә миннән сөйләткән.

Әлифбаны язган галимнәр бар,
Дәреслекләр туган телемдә!
Туган телдә булган һәр яңа бит
Илтте мине яңа белемгә.

Яшьтәшләр бар яшьли уйнап үскән
Татар уеннарын урамда.
Тальян моңын яшьли тыңлап үстем.
Уйныйм хәзер гармун, курайда.

Хезмәттәшләр, дуслар, дошманнар бар
Туган телдә фикер әйтергә.
Компьютерга кергән туган телем,
Татар җырын саклыйм хәтердә.

Кайда гына барсам, йөрсәм дә мин
Туган телем көчен тоямын.
Туган телен саклап үстергәннәр -
Тоткасыдыр шушы дөньяның.
Вакыты
02.09.2013 21:27
Тавыш бирелгән
2 тапкыр
Укылган
390 тапкыр
Автор
Раил Гатауллин
Кайсы бүлектә
Туган тел көне
Төрлесе
Шигырь
Туган телем

Әлегә бу шигырь өчен фикер юк сез беренче булып калдыра аласыз
Исем:*

Фикер:*

Бу авторның өстәмә язмалары