Бар энем, үзе шаян
Үзе тырыш, тиктормас.
Туган җире - Чаллы - КамАЗ,
Исеме аның - Алмаз.

Әти-әнисе яратып,
Матур исем бигәннәр.
Алмаз кебек ныклы булсын,
Бирешмәсен дигәннәр.

Бүген аның туган көне
15 яшь тулган икән.
Юбилее хөрмәтенә,
Ни теләк телим микән?

Телим әле таудай бәхет,
Шатлык, исәнлек, саулык.
Укуында зур уңышлар,
Тынычлык һәм мул байлык.

Һаман безне сөендереп,
Очып-очып биесен.
Акыллы һәм тырыш булып,
Тыйнак булып зур үссен.