Гомер буе мин дип янгансыңдыр,
Мәхәббәткә тугры калгансыңдыр.
Беркем аңламаган чакларда да
Мине бары тик син аңларсыңдыр.

Күңел әрнетерлек яралар да
Салганмындыр гомер юлларыңда.
Ярым дәвалар дип яраларны
Гафу иткәнсеңдер син барын да.

Син дип янам мин дә. Син дип янам.
Татлы да бу яну, газаплы да.
Мин түзәргә әзер барсына да
Тик үзең дә мине ярат кына.

Туктал әле, мизгел, азга гына.
Күмелсен җир күңел назларына.
Шушы якты мизгел дәва булсын
Яралардан арган җаннарыма.

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста