Ир сөяге

Адәми зат, ир сөяге, кабыргадан, диләр, ясалган;
Ил тоткасын, тормыш тәгәрмәчен әйләндерер өчен яралган.
Акыл ягын сайдан салып, өресенә чыккан матурлык,
Дөнья көткән ирләр өчен - көчен бирә, гүя, бу азык.
Кешелекнең дәвам тарихына, бу матурлык килеп тоташа,
Нинди генә уйлар биләмәсен, өстенлектә нәсел тырмаша.
Җенесендә капма-каршы, кушу белән алу уены,
Ахыр чиктә җавап килеп чыга - каршылыкның тигез булуы.
13.07.2024