Акыл сату

Тиеш заман күптән үтте,
Ишек шакып керү бетте,
Кемнәрнеңдер корты бии —
Өскә чөеп йөртү тими!

Билгеле ки, адәм заты
Басып тормый җирдә каты.
Шулай булган һәм булачак,
Диваналар акыл сатты.

Сүлпән искән тонык җил дә
Бер зыянсыз гомер итә,
Үз ишен очратса мәгәр
Көт тә тор давыл эләгәр.

Кайсы яктан карасаң да
Һәркем тигез һәм дә хаклы.
Киресенчә күзалларга
Тулы акыл җитми бары.
31.01.2025
Алсу Галеева