Талак димәс микән ирем
Котласам сине бүген.
Син - яктыртучы кояш бит
Яшьлекнең зәңгәр күген.

Сул җилкәмдәге фәрештәм
Гөнаһ дип язмас микән.
Кичерер. Тәүге мәхәббәт
Йөрәктәге наз икән.

Сагындырып искә төшә
Яшьлектән айлы кичләр.
Бүген синең туган көнең,
Күңелдә изге хисләр.

Өстәлемдә миләүшәләр
Тыйнак сөю билгесе.
Минем өчен син һаман да
Чын мәхәббәт өлгесе.

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста