***
Һәй бу яшьлек, иләс миләс,
Кыланасың җилбәзәк.
Тилертәсең, йөгертәсең
Сурәтләргә бер бизәк.
Гыйшык утларын биетеп,
Мәхәббәт ялкынында,
Я көясең, я сүнәсең,
Сөюнең учагында.
Берчак, кояш нурларында
Коенасың болында,
Берчак, төнне балкытырга
Үреләсең йолдызга.
Тынмасын яшьлек хисләре
Дөрләсен ул һаман да,
Яшьлек ясаган бизәкләр
Сүрелмәсен учакта.
31.01.2024
5
0
Фикерләр (0)
Subscribe
Фикер алышуга аңлатма өстәр өчен,
шәхси биткә керегез