Без тормыш шәкертләре

Төп нигез дип, зар кылмагыз,
Нигез бит ул күңелдә,
Нигез җылысын һәрвакыт
Саклый белсәң үзеңдә.
Нигез булыр ул - тәрбия,
Олы, кечегә хөрмәт.
Нигез салына гаиләдә,
Халкымда шундый гадәт.
Кыз-балага кош канаты,
Очар кунак оядан.
Ир-балага күркәм холык
Өяргә хан-сарайлар.
Үтә тыйнак, хикмәтле дә,
Без тормыш шәкертләре,
Нигез җылысы сүнмәсен
Хәтерлик дәресләрне.
27.01.2024