АГ
Алсу Галеева(Сафина)
11 март, 2024 ел

Яз

Кыяр-кыймас, салмак кына
Күбәләк карлар ява.
Яз җиһанда, бар тереклек
Йокысыннан уяна.

Болытлы көн - саубуллашу,
Кышның соңгы сәламе.
Табигатьтә яңа сулыш,
Яктылыкка үрләве.

Юкара мамык юрганы
Яңа көн туган саен.
Язгы суларга туенып
Бөрелә нәзек каен.

Кояш нурлары сирпелә,
Җылылык тоя һәркем.
Шигыри юлларым белән
Сезгә бәхет теләдем.
9.03.2024
Рамазан ае
Уникаль идентификатор: 1103242235
5
0
Фикерләр (0)
Subscribe
Фикер алышуга аңлатма өстәр өчен, шәхси биткә керегез