Агачларга сары иңде,
Җәйләр үтте-бу көз инде.
Бар табигать моңсуланып,
Сары киемнәрен киде.

Әле кояш җылы белән,
Барыбызны сөендерә.
Тик көз инде,чуар төскә,
Агачларны киендерә.

Көмеш җептәй пәрәвезләр,
Талгын оча тын һавада.
Өрфиядәй ак болытлар,
Югалалар офыкларда.

Уйчан халәт,сагыш тулы
Тарта сыман күңел кылын.
Бар дөньясы моңсу гына,
Җырлый сыман көзнең җырын...

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста