Дөнья бу

Йөзләремдә елмаюмы?
Әллә мин яшәмәгән?
Тормышның ачы-төчесен
Сез әйтәсез, күрмәгән?

Кемнең тормышын кем белә?
Барыбыз да - табышмак!
Бәлки шуңадыр мин көләм?!
Туып, яңадан, кабат!

Җаным әрнегән чакларда,
Куңелләрем кителеп,
Сезнең каршыга мин чыгам
Күз яшьләремне сөртеп.

Уйламагыз бу тиле дип,
Юктан күз яше түгә.
Адәм баласы күргәнне
Бер Аллаh кына белә.

Төртеп, көлмәгез, ялгышып,
Кимсетелгән җаннардан.
Дөнья түгәрәк икәнен
Онытмагыз беркайчан!
8.11.2023