Иртән торып тышка чыккач,
Күршеләргә күз ташлыйм.
Исәнләшәм, хәл белешәм
Көнемне шулай башлыйм.

Әгәр күренми торсалар
Ашыгам күршеләргә,
Авырып ятмыйлармы дип
Хәлләрен белешергә.

Исән чакта күршеләрем,
Бер-беребезне онытмыйк.
Тату яшик, матур яшик
Араларны суытмыйк.

Күршеләрдән уңдым, шөкер,
Бар да әйбәт кешеләр.
Кешеләргә үрнәк булып
Яшик шулай күршеләр.

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста