Мин яратам тормыш агышын

Мин яратам тормыш агышын,
Алтын көзнең сары сагышын,
Усал кышның салкын кичләрен,
Шаулап килгән язның хисләрен.
Мин яратам тормыш агышын,
Дивардагы сәгать тавышын,
Сандугачлы җәйнең төннәрен,
Сөйгәнемнең серле күзләрен.
Мин яратам тормыш агышын,
Челтерәп аккан чишмә тавышын,
Бакаларның тынмас җырларын,
Җылы җилнең чәчем сыйпавын.
Мин яратам тормыш агышын…