Гаилә учагыбызны сүндермичә
Гомеребез буе сакладык,
Катлаулы тормыш юлыннан
Гел янәшә, бергә атладык.

Нинди генә чаклар булса да
Бер генә дә, телгә килмәдек.
Начар, ямьсез сүзләр әйтеп,
Бер-беребезне рәнҗетмәдек.

Акыллы да булдың, сабыр да
Синдәй кеше хәзер бик сирәк,
Гомер юлын узган чагында
Сабыр булу бик-бик кирәк.

Бәхетле мин бүгенге көндә,
Чөнки син бар янәшәмдә,
Тормышыбыз гөрләп бара
Дус һәм тату яшәгәнгә.

Озак еллар бәхетле булып
Яшәсәк иде икебез бергә.
Җитәкләшеп синең белән
Барып җитик гомер көзенә.

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста