Әле кайчан гына япь - яшь идем
Сизмәгәнмен гомер узганын,
Синең белән үткән эзләрне
Каплап киткән гомер тузаны.

Йөрәккәем яшь булгангамы,
Ышанмыймын гомер узганга.
Яшьлегем кабат әйләнеп,
Кайтыр төсле кире язларда.

Сахраларга чыгып, икәү бергә
Чирәмендә йөрисе иде ялан аяк,
Яшьлекләрне бер искә төшереп
Җырлап үтәсе иде урам буйлап.

Безнең яшьлек хатирәләребез
Саклансыннар күңел түрендә,
Ничә яшьтә булсак та үзебез
Йөрәгебез калсын унсигездә.

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста