Ап-ак күлмәк киеп бүген
Килдең иркәм яныма,
Сокланып карап тордым
Синең зифа буеңа.

Ак күлмәгең бик матур,
Туйга дип тектердеңме?
Мин сагынганны белдеңме,
Үзең сагынып килдеңме?

Ак төс сиңа бик килешә,
Алсу, матур йөзеңә.
Охшадың күңелләремә
Бирмим сине беркемгә.

Ак күлмәктән бик матур син
Күзләр тия күрмәсен,
Икебезнең арабызга
Чит, ят, кеше кермәсен.

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста