Нинди матур бүген тышта
Зәнгәр күктән кояш елмая,
Җылы кояш нурларыннан
Карлар эри, сулар җыела.

Язгы кояш нурларыннан
Түбәләрдән тамчы тама.
Яз килгәнгә куанышып,
Чыпчыклар чыркылдаша.

Җылы якка киткән кошлар
Тиздән әйләнеп кайтырлар,
Туган якка кайтып, оя корып
Балалар чыгарырлар.

Кояш нурларына иркәләнеп
Агачларда бөреләр уяныр.
Язның беренче гөлләре
Умырзаялар чәчәк атыр.

Ямьле язлар килә җиргә
Дәрт биреп күңелләргә,
Бәхет, шатлык, сәләмәтлек,
Алып килсен язлар безгә.

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста