Чатнаган

Гомер касәсе чатнаган,
Булса иде төзәтеп,
Ямауларга мөмкин түгел,
Бер ысул да юк, китек.
Күпме генә тырышсак та,
Тулмас инде һич кайчан.
Безнең халәтне аңламас
Тулы касәле гавам.
Булганына шөкер диеп,
Яшәрбез ул, яшәвен.
Тик җитмәвен күрәзәләп,
Яшәве күпкә кыен.
Китек шул инде касәбез,
Тулы түгел гомере.
Без бик бәхетле яшәдек,
Әрним сезнең өчен,
Киләчәк кешеләре.
27.05.2024