Августка бер адым

Яңгыр пәрдәсе эленгән, димәк җәй кием сайлый;
Ике айлык йөген тартып, августка аяк атлый.
Бу җәй үземә охшаган, бүген ул уйга баткан:
Көзге каршында әйләнеп ун киемен алмашкан.
Ә яңгырның болытлары катлам-катлам сорыдан,
Бераз гына, итәгендә челтәрле нәкыш актан...
Җәй үзенә кием сайлый, яңгыр пәрдәсен элеп,
Көзге каршында әйләнә бер моңаеп, бер көлеп.
30.07.2024