Иң каты тавыш

Бу тавыштан бөтен йортлар,
Биналар тетрәнелә.
Икегә, өчкә урамда
Баганалар бөгелә.

Кайбер диварлар ишелә,
Кайберсе җимерелә.
Юлдан барган машиналар
Бер-бер артлы бәрелә.

Бу тавыш астына йоклап,
Эшләп берничек булмый.
Аның тыңлаган башларда
Шәп фикерләр җыелмый.

Күк күкрәу, яшен яшьнәүдән
Бу тавыш та катырак.
Бөтен колаклар шиңәләр,
Кайчан бала кычкыра!