Хастаханәгә сәяхәт

Беркөнне минем энекәш
Җыенырга тотынды.
Иң кирәкле әйберләрне
Букчага салып торды.

Ашамлыклар, су эчәргә,
Сагыз, бал һәм кайнатма.
Шалтраткыч, повербанк өчен
Берничә зарядка да.

“Син нәрсә, тауга барасың?” –
Сораганмын анардан.
Энем миңа борылды һәм
Көлемсерәп караган.

“Юк, әлбәттә, абый, бармыйм
Дөньяның бер тавына.
Мин барам хастаханәгә
Бер справканы алырга!”