Чын шагыйрь сүзләре (ахырга кадәр укыгыз)

Мөрәҗәгать ясый кешеләргә,
Кем тәнкыйтьли минем иҗатны.
Сезгә чын күңелдән мең кат әйтәм
Рәхмәт белән тулган җавапны!

Минем өчен сез – укытучылар,
Кем баета иҗат белемен!
Кем матуррак ясый һәр җөмләмне,
Һәм анардан чыккан шигырьне!

Рәхмәт сезгә, чын күңелдән рәхмәт!
Сезнең кисәтүләр файдалы!
Аларга колак салып, ИншАлла,
Әле бик күп шигырь язармын!