Бишектәге яз бала

АЛСУ ГАЛЕЕВА
***
Тибә, тибә, тыпырчына
Бишектәге яз бала.
Син дә дәү булып үсәрсең
Кыш үткәнче дулама.

Дым ярата яшел бәрхет мүк,
Карлы тирәм, үрдә зәңгәр күк.
Томан ятса җылы — бал да май,
Син дә язга сөенеп елмай.

Кышлап кайта былбыл кошларым,
Каршы ала аппак карларым.
Сез кошларым моңлы, җырлагыз,
Бездән бүләк алкышларыбыз.

***
Тамчы тама, яңгыр ява
Эри инде ак карлар.
Челтер-челтер гөрләвектәй
Яшь кызлар көлеп бара.

Кошлар җырына уянганнар,
Чәчәктәге кояштай таҗлар,
Сап-сары керфекләрен ачып
Сөярләр иде сине кочып.

Сабыйларча язга шатланам
Көннәр матурлыкка ачыла,
Әнә оча сары күбәләк,
Минем дөньям бүген түгәрәк.

***
Күкрәккә тулган язгы һава,
Киекләр күктән сөрән сала:
Ерак-ерактан без кайтабыз,
Сезгә җылыны кайтарабыз.