Иң яраткан энебезгә
Туган көнгә үз итеп,
Чын йөрәктән сәлам юллыйм
Кызганмыйча, күп итеп.

Сиңа, энем, насыйп булсын
Хак Тәгалә рәхмәте.
Күрсәтергә ата-анаңа
Фани дөнья рәхәтен

Быел сиңа егерме яшь
Бу - синең матур чагың.
Синдәй кадерле энемә
Ниләр теләргә тагын?

Телим әле гомереңнең
Озын, күркәм булуын.
Ел артыннан ел өстәлеп
Сиксән-туксан тулуын.

Телим әле җиңеллекләр
Синең барыр юлыңа.
Әверел син Аллаһының
Иң яраткан колына.

Гомер буе гел дә уңнан
Иркәләп җилләр иссен.
Киләчәккә уңыш теләп
Йөрәкләр бергә типсен.

Туган көнең котлы булсын,
Сине тәбрик итәбез.
Бик зур түземсезлек белән
Туган көнне көтәбез