Яңа туган сабыйга

Адәм белән һавалардан калган йола -
Нәсел дәвам итәр өчен бала туа.
Бу җиһанда ничек кенә яшәсәк тә,
Вакыт җиткәч кеше китә, эзе кала.

Яңа туган сабыйга да телик әле -
Тормыш юлын үткән чакта калсын эзе.
Тәрбияле һәм инсафлы булып үсеп,
Корыч кебек сау-сәламәт булсын үзе.

Әтисе дә, әнисе дә сөйсен аны,
Туып үскән газиз иле белсен аны.
Зур үскәч тә шул сөюгә җавап итеп,
Иле аша дөнъяларга китсен даны.