Хисапчы ханымга

Кызык һөнәр - кисә, бүлә,
Тапкырлый, куша, ала.
Безнең экономист Гүзәл -
Авылда үскән бала.

Гомер буе акча саный,
Үтә җаваплы эше.
Айга ике тапкыр Гүзәл
Һәркемгә кирәк кеше.

Ә безгә ул көн дә кирәк,
Аны без дус итәбез.
Әз генә күрешми торсак,
Бик сагынып көтәбез.

Гүзәл дуска 45 тулган,
Котлыйбыз аны бүген.
Парлы килеш тартсын дибез
Тормышның авыр йөген.

Балалары гел өзелеп,
"Әни" диеп торсыннар.
Ире белән бергә-бергә
Тигез тормыш корсыннар.

Кыскасы бар теләкнең дә
Матуры сиңа булсын.
Тормыш дигән сихри бакчаң
Шаулап чәчәккә тулсын.