Табигатьнең шундый чагы:
Бер яңгыр ява, бер кар.
Әйтерсеңлә күк йөзенең
Җиргә әйтер сүзе бар.

Теләк булып төшә яңгыр
Узып күк киртәләрен.
Бүләк - бәйрәм итүчегә,
Туган көн иртәләрен.

Юбилярлар арасында
Син - безгә якын кеше.
Үрнәк синең тормыш юлың,
Матур башкарган эшең.

Өйрәтәсең гомер буе
Төгәл саннар серенә.
Гаиләдә үрнәк әни,
Күркәм хатын иреңә.

Сабыр, тыныч холкың белән
Син - ышанычлык терәк.
Гомер юлын узган чакта
Синдәй дус, туган кирәк.

Сокланабыз сиңа карап,
Теләкләребез мулдан.
Сәламәт бул, тигез яшә,
Рәхәт күр кыздан, улдан.

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста