Бик азларга әйтеп була
Зыялы дигән сүзне.
Чын мәгънәдә шул сүз белән
Атый алабыз сезне.

Зыялылык бөркеп тора
Синең ачык йөзеңнән.
Төпле фикерең күренә
Уйлап әйткән сүзеңнән.

Ничә телдә чиста итеп
Аралаша беләсең.
Чын күңелдән, балаларча,
Рәхәтләнеп көләсең.

Тәмен тоеп эшләгәнгә,
Рәхәтлек бирә эшең.
Безгә калса, син өйдә дә,
Бик кадерле кеше.

Җыйнап әйтсәк, сине бизи
Күркәм, матур сыйфатлар.
Шөкер, безнең халыкта да
Күп ул зыялы затлар.