Шатлык, бәхет бүлешергә
Көлеп торган йөзләр кирәк.
Котлау өчен туган көндә
Матур-матур сүзләр кирәк.

Ниләр телим сиңа, дускай,
Сеңелем кебек якын кешем.
Тыныч булсын һәрчак өең,
Гөрләп кенә барсын эшең.

Авылдаш та, күршем дә син,
Ярдәм сорар кешем дә син.
Яшь булсаң да һәр киңәшең
Аксакал сүзләренә тиң.

Иреңә син булган хатын,
Уңган әни балаларга.
Терәк булыр туган да син
Борчулардан араларга.

Эшең катлаулы булса да,
Бик рәхәт итеп эшлисең.
Дуска, туган-тумачага
Таянырдай нык кеше син.

Быел сиңа 55 тула,
Тулса тулсын хәере белән.
Елга еллар өстәлсә дә,
Үзгәрмәссең диеп беләм.

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста