Татар булса йөрәгең,
Ислам булса терәгең,
Идел-Урал – төягең,
Милләтеңне онытма,
Тамырыңны корытма,
Хәтереңне суытма.

Кылган эшең хак булыр,
Намусың да пакъ булыр,
Үткән юлың ак булыр,
Онытмасаң телеңне,
Онытмасаң динеңне,
Ташламасаң илеңне.

Кара болытлар батыр,
Милләт кояшы балкыр,
Үткән шөһрәте кайтыр,
Яшәсә татар моңы,
Яшәсә татар аңы...
Сүнмәс ул татар таңы!

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста