Күңел нигә дулкынлана дисәм,
Бүген синең туган көнең икән.
Син туган көн 55 ел элек
Бүгенгедәй матур булды микән?

Иртүк таңнан «бәби чәе» тотып,
Кергән микән сезгә күрше-күлән.
Гомерле бул, диеп инәкәең
Сөйләшкәндер нәни кызы белән.

Җырлый-җырлый сиңа моңлы көйләр Талбишеккә салып тирбәткәндер.
Бишектән үк яшәү серләренең
Кирәкләрен генә өйрәткәндер.

Ул көннәрдән шактый сулар аккан,
Әткәй-әнкәй киткән инде күптән.
Алар фатыйхасы белән яшәп,
Кай арада 55 яшь җиткән.