Көз аенда туганнарга

Көзнең була төрле чагы,
Алтын мәле, кара чагы.
Тик шулай да көздән дә бай,
Матур фасыл бармы тагы?

Урман-кырлар һәм болыннар,
Буялганда алтын төскә.
Пәрәвезләр сәяхәттә,
Ничек бирелмисең хискә...

Менә шундый бай вакытта
Син тугансың шатлык булып.
Әллә шуңа күңелләрең
Тора игелектән тулып.

Ярдәмчел дә, тырыш та син,
Нык бирелгәнсең хезмәткә.
Туган көндә зурлап әйтик,
Син, чынлап, лаек хөрмәткә.