Дуска

Халык әйтә китапларда
Кешеләрнең язмышы, дип.
Шушы кешеләргә бәйле
Гомерләрнең агышы, дип.

Әйдә, дустым, синең исем
Китапларга кереп калсын.
Юбилеең хөрмәтенә
Бик лаеклы урын алсын.

Атап язган шигъри бүләк
Кадерлерәк акчалардан.
Акча бетә, шигырь кала
Кыйммәт булып башкалардан.

Еллар үткәч ул шигырьне
Укып була «минеке» дип.
Ә мин сиңа теләкләрне Я
зыйм әле башны иеп.

Кояш кебек гомерле бул,
Нык бул биек таулар төсле.
Сулар өчен һава кебек,
Чишмә, күлләр кебек хисле.