Кыңгыраулар өзелмәде
Гомерем дугасыннан.
Бүген салмый йөрим әле -
Эчми дип уйласыннар.

Урам буйлап кызлар үтә -
Тилерткеч – буйлар-сыннар...
Иярмимен - хатынына
Тугры дип уйласыннар...

Газап урамына чыггам
Хәсрәтләр оясыннан...
Елмаямын... – бер кайгысыз
Яши дип уйласынар...

Менә шулай яшәп кенә
Китәрмен дөнъясыннан...
Китәрмен дә...
Кире кайтмам...
Үлде дип уйласыннар

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста