Бүген бездә нинди бәйрәм?
Юбилее ӘНИнең.
Барыбыз өчен кадерле,
Якын кеше ул безнең.

Ул бит тормыш иптәшемә
Бүләк иткән дөньяны.
Менә шуның өчен дә бик
хөрмәт итәм мин аны.

55 яше тулса да,
Ул әле бик тә җитез.
Барсын җиренә җиткереп,
Эшләп куя шундый тиз.

Тормыш тәҗрибәсе бик зур,
Акыллы, зирәк хатын.
Әти белән озак еллар
Иярли гомер атын.

Шатлыгын да, хәсрәтен дә
Алар бергә үткәннәр.
Үз тырышлыклары белән
Шушы көнгә җиткәннәр.

Безгә – киленнәргә әни
Яхшы киңәшләр бирә.
Эшебезнең әйбәт ягын,
Гел уңай ягын күрә.

Уллары да матур үрнәк,
Яхшы тәрбия алган.
Балачакта өйрәнгәннәр
Мәңгегә сеңеп калган.

Инде без дә – әти-әни,
Балалар үстерәбез.
Ләкин, әле дә аларның
Ярдәмнәрен күрәбез.

Олы йөрәкле әни ул,
Барыбызны тигезли.
Тормыштан начарлык түгел,
Һәрчак матурлык эзли.

“Дәү әни” дип өз(е)леп торган
Оныкларын ярата.
Алар белән ял итә ул,
Борчуларын тарата.

Әнигә - бүген 55,
Котлы булсын бәйрәмең.
Кабул итче чын күңелдән
Шушы шигырь бәйләмен?!

Түр башында утырасың
Матур итеп киенеп.
Озак еллар бергә-бергә
Яшәсәкче сөенеп?!

Балаларың исәнлеге -
Кыйммәт бөтен байлыктан!
Иң кирәге - сәламәтлек,
Аермасын саулыктан?!

Ходаемнан синең өчен
Сәламәтлек сорыйбыз.
Бәхетле матур картлыкның
Иң рәхәтен юрыйбыз?!

Әти белән тигезлектә
Яшәгез бергә-бергә.
Оныкларыңның гаиләсен
Язсын сиңа күрергә.

Кайгы-хәсрәт кичерергә
Берүк, насыйп итмәсен.
Хәвеф-хәтәр, бәла-каза
Безнең яннан үтмәсен?!

Иң яхшы тормыш иптәше
Үстергән өчен миңа.
Барсы өчен, барсы өчен,
Зур рәхмәт, ӘНИ, сиңа!

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста