Ул әнисен бик еш төштә күрде,
Авыр чакта бала йортында.
Хәсрәтләрен төштә сөйли иде,
- Мин бәхетсез әни,-дип монда.

Ул гаиләдә хәзер,изге жаннар,
Тәрбиягә аны алдылар.
Бала йорты,сагыш,күз яшьләре
Бик еракта торып калдылар.

Яңа тормыш,яңа вакыйгалар,
Биләп алды сабый күнелен.
Һәм аңлады яраланган йөрәк,
Бу доньяда ялгыз түгелен.

Күптән түгел тагын төштә күрде,
Әнисенең очып килгәнен:
-Озакладым,балам,гафу итче,
Ераклардан киләм,-дигәнен.

- Төшләреңдә генә киләләм мин,
Төшләреңдә генә яратам,
Өннәремдә,балам,юллар бикле
Салкын каберләрдә мин ятам.

Ул шуларны әйткәч,аккош булып
Тау артына очып югалды.
Төшләрдә дә бик тиз югала шул
Әйтелмәгән күпме сүз калды...

Әйтәлмәде яна бу гаиләдә:
Никадәрле рәхәт икәнен,
Ул теләгән "велик" алганнарын,
Өр янадан кием кигәнен.

Әйтәлмәде яңа бу мәктәпкә
Чын кунелдән,теләп барганын.
Өйдәгеләр хазер ярдәм иткәч,
Бары дуртле,бишле алганын.

Әйтәлмәде төрле уеннарда,
яулаганын бары призлар.
Әйтәлмәде яңа бу сыйныфта,
Ул ошаткан матур бер кыз бар.

Әйтәлмәде аңа бөтенләй ят
Ир һәм хатын якын икәнен.
Алар аркасында ул-ятимне,
Бик бәхетле язмыш көткәнен.

Әйтәлмәде тагын шул хатынның
Әнисенә бигрәк охшавын,
Баласыдай күреп йоклатканда,
Назлы итеп башын сыйпавын.

Эйтэлмэде бигрэк телэгэнен,
Бу гаилэдэ хэрчак яшэргэ.
Рохсэт итсэ шушы кешелэргэ
Эти-эни диеп дэшэргэ.

Ә,буген төн,тагын аккош булып,
Сабыена очып ул килде.
-Тынычланды, жаным- балакаем
Барын беләм,ризамын,-диде.

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста