Кеше күңеле күкләр кебек иркен булса,
Зәңгәр диңгезләрдәй чиста булса -
Мең бәхетле яшәр иде илдә.

Кеше гадилектә зурлык таба алса,
Яхшылыкта яман күрмәсә-
Мең бәхетле яшәр иде җирдә.

Сабыйлардай изге булса җаны,
Уйлап әйтсә барлык сүзләрен,
Кимер иде бәхетсезләр саны.

Мәрхәмәтле һәм дә сабыр булса кеше,
Ташлар түгел, ашлар ыргытса,
Җиһаныбыз гел бәхетле булыр иде.

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста