Сизмичә дә калганмын,
Вакыт шулай тиз үткән.
Бер ел гомер үтеп киткән,
Туган көн килеп җиткән.

Гомерләрнең үтүләре
Агым суга тиң икән.
Яшем һаман өстәлсә дә,
Йөрәк картаймый икән.

Ничә яшь дип сорамагыз
Яшьтә мени соң хикмәт,
Җыерчыклар басса да,
Йөрәккәем һаман яшь.

Гомер узсын, яшь өстәлсен,
Чәчләрем дә агарсын
Йөрәк кенә картаймасын
Мәңге яшь булып калсын.

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста