Гөлҗимеш елап калган...

Табигать әйләнешендә
Эссе җәйләр дә үтте.
Басып, җәйнең итәгенә,
Алтын көзләр дә килде.

Җәйнең чәчәкле күлмәген
Бик ошатты Көз-бикә,
Итәктәге бизәкләрен
Чигеп куйды үзенә.

Җылы булды шул көзләре,
Соңлап чәчәкләр атты,
Гөлҗимеш шуңа алданып,
Җимешкәйләрсез калды.

Кыш киләсе көннәр җитеп,
Бар дөнья ап-ак кардан!
Матур чәчәкләрен коеп,
Гөлҗимеш елап калган...
27.11.2023