Тылсымлы туган як

Гади каләм кулымда
Тылсымы карасында.
Мин рәссам түгел, шулай да,
Сүрәтләр ясыйм алай да.

Нинди икән серләре?
Тирә-якны күр әле!
Дөньяның киңлекләренә
Хозурланып ал бер генә.

Чыкмасам да чит җирләргә
Тиңли алмам туган илгә.
Бар да матур, бар да якын -
Иң гүзәл җир, минем авыл!

Сәлам сезгә күршеләрем,
Таныш-белеш кешеләрем.
Сәлам мәһабәт өйләр,
Ишетәм милли көйләр.

Сәлам сезгә урманнар,
Басу-кырлар, елгалар.
Күңелемә хуш килде:
Исе, төсе, җисеме.

Гади каләм кулымда
Тылсымы карасында.
Карасында — туган як,
Һәркем рәссам булар чак.
23.05.2024