Сөеп, сөелеп, бәхеткә күмелеп,
Яшәүләргә җирдә ни җитә.
Гомерне ничек үткәрсәк тә
Аккан сулар кебек тиз үтә.

Янәшәдә сөйгән ярлар барда
Яшик әле сөеп, сөелеп,
Гомерләр бит ике бирелми
Яшәп калыйк кадерен белеп.

Хисләр ташый йөрәкләрдә,
Сөйгән ярлар барда янәшәдә.
Тормыш матур, яшәү рәхәт
Парлап, тигез, яшәгәндә.

Парлап, тигез яшәүләрне,
Ходай насыйп иткән безгә.
Бәхетле, тигез тормышлар
Теләп калам һәр кешегә.

Безнең Telegram каналыны язылыгыз, һәм беренчеләрдән булып иң соңгы шигырьләрне, яңалыкларны укып торыгыз!

Фикерләр 0 Авторизация
Фикер калдырыр өчен авторизация узыгыз! Яңалары (аста)
  • Өстә
  • Аста