Көн агышы

Сизелми дә көн агышы!
Көн генәме,
Бар гомер үтеп бара!
Безнең утырган арбалар
Атлардан алда чаба.

Йомшак болытларны узып,
Һаман инде,
Алдан арбабыз бара,
Яшен яшьнәп бәргән яңгыр,
Кайнар яшь булып тама.

Яңгыр астында чыланмый,
Чапкан арба
Җилдән җитез тоела.
Менә генә яз чәчәктә,
Менә генә коела.

Чәчәкләр дә коелганчы,
Тузан очар,
Үтеп китеп арбабыз.
Яши генә башлаганда
Бу бәетне ябабыз.
30.05.2024