Вакыт тасмасы

________________
"Югалтулар чоры бәндәсе без.
Без барында күпме юк булды!"
(Бәхәсләшмик, дустым...)
Зөлфәт
________________
Вакыт тасмасы тарихның
Гасырлар эзен барлый.
Кешелекнең адымнарын
Һәрбер күзәнәк саклый.

Яңа гасыр нинди кыска;
Кешелек бик ашыга.
Без туган гасыр сызыгы
Җәһәт кенә ябыла.

Кулга эш коралы тотып
Киләчәккә орылдык,
Үткән чорның уңганнары
Күп уңайлыклар ачты.

Ә кешегә һаман җитми,
Кешегә нәфес хуҗа:
Баскан җир, сулар һавасын
Ул кесәсенә тыга.

Авыл дисең, илем дисең,
Телең, динең югала.
Асылда гасыр эзеннән
Кеше үзе җуела.
23.08.2024
Алсу Галеева