Ялган тулгак тоткан кысыр заман
Тораташка әләм тоттырган.
Яшәү мәйданчыгы комсызларга
Һаман җитмәс кебек тоелган.
Томаналык кими барган саен
Мәкерлесе ятьмәсен кора,
Үз-үзеңнән, хәтта, дошман ясап
Кыл очына терәп бастыра.
Ялган тулгак тоткан кысыр заман
Җир актара, орлык эзлиме?
Яшәү кануннарын инкяр итеп
Кесәсеннән кояш күзлиме?..
26.02.2025
Алсу Галеева
3
0
45
Фикерләр (0)
Subscribe
Фикер алышуга аңлатма өстәр өчен,
шәхси биткә керегез